වැලිකන්ද පොලිසිය විසින් වෙඩි තැබීමෙන් ඝාතනයට ලක් වූ තරුණයකුගේ මරණ පරීක්ෂණයට අදාළව, සාක්ෂිකරුවන් කැඳවා තිබියදීත් විභාගයට සූදානම් නොවී අධිකරණයට කරුණු වාර්තා කිරීම සම්බන්ධයෙන් පොළොන්නරුව මහේස්ත්රාත්වරිය 05 වන දා පොලිසියට දැඩි ලෙස අවවාද කළාය.
පොලිස් වෙඩි පහරින් මියගිය ගර්දි අම්බෝඩි කංකානම්ලාගේ ට්රිෂාන් නැමැති තරුණයාගේ මරණය සම්බන්ධයෙන් ඔහුගේ දෙමව්පියන්ගෙන් සහ සහෝදරයාගෙන් සාක්ෂි විමසීම 05 දිනට නියමිතව තිබුණි.
සිද්ධියේ පසුබිම සහ පොලිසියේ ඉල්ලීම
ඝාතනයට ලක් වූ තරුණයාගේ ඥාතීන්ට සාක්ෂි ලබාදීම සඳහා පොලිසිය විසින් සිතාසි නිකුත් කර තිබියදීත්, සාක්ෂි මෙහෙයවීමට පොලිසිය සූදානම් නොමැති බව අධිකරණයට දන්වා සිටියේය. පොලොන්නරුව දිස්ත්රික් භාර ජ්යෙෂ්ඨ පොලිස් අධිකාරී බුද්ධික මනතුංග විසින් සාක්ෂි මෙහෙයවීමට නියමිතව තිබූ බවත්, ඔහුට ඇති වූ හදිසි රාජකාරී කටයුත්තක් හේතුවෙන් අධිකරණයට පැමිණීමට නොහැකි වූ බවත් පොලිසිය මෙහිදී ප්රකාශ කළේය.
ඒ අනුව, සාක්ෂි විමසීම සඳහා වෙනත් කෙටි දිනයක් ලබාදෙන ලෙස පොලිසිය අධිකරණයෙන් සමාව අයදිමින් ඉල්ලා සිටියේය.
නීතිඥ විරෝධය සහ අධිකරණ නියෝගය
පොලිසියේ මෙම ක්රියාකලාපය සම්බන්ධයෙන් අගතියට පත් පාර්ශ්වය වෙනුවෙන් පෙනී සිටි නීතිඥ සේනක පෙරේරා මහතා ඇතුළු නීතිඥ මඩුල්ල සිය දැඩි විරෝධය පළ කළහ. සාක්ෂිකරුවන් අධිකරණයට පැමිණ සිටියදී පොලීසිය මෙලෙස කටයුතු කිරීමෙන් අගතියට පත් පාර්ශ්වයට අසාධාරණයක් වන බව නීතිඥවරයා පෙන්වා දුන්නේය.
දෙපාර්ශවයේ කරුණු සලකා බැලූ මහේස්ත්රාත්වරිය:
ගතියට පත් පාර්ශ්වයට අපහසුතාවයක් නොවන අයුරින් කටයුතු කරන ලෙස පොලිසියට නියෝග කළාය.
නැවත මෙවැනි ප්රමාදයන් සිදු නොකිරීමට වගබලා ගන්නා ලෙස පොලිසියට අවවාද කළාය.
අදාළ සාක්ෂි විමසීම ජුනි මස 23 වැනිදාට කල් තැබීමට නියෝග කළාය.
බලපෑම් කිරීම් පිළිබඳ චෝදනා 9999
මෙම සිද්ධියට අදාළව සාක්ෂි මෙහෙයවීමට නියමිතව සිටි ජ්යෙෂ්ඨ පොලිස් අධිකාරී බුද්ධික මනතුංග විසින්, ඝාතනයට ලක් වූ තරුණයාගේ පාර්ශ්වය වෙනුවෙන් පෙනී සිටින නීතිඥ සේනක පෙරේරා මහතාට බලපෑම් කළ බවට ද චෝදනා එල්ල වී ඇති බව ද අනාවරණය විය.
උපුටා ගැනීම විකල්ප