ශ්රී ලංකාව විසින් “ළමුන්ගේ රැකවරණ ප්රතිසංස්කරණ සඳහා වන ගෝලීය ප්රඥප්තිය” පිළිගැනීම සඳහා අමාත්ය මණ්ඩල අනුමැතිය හිමිව තිබේ. මෙම යෝජනාව කාන්තා සහ ළමා කටයුතු අමාත්යවරිය විසින් අමාත්ය මණ්ඩලය වෙත ඉදිරිපත් කර ඇත.
ශ්රී ලංකාව දීර්ඝ කාලයක සිට එක්සත් ජාතීන්හි ළමා අයිතිවාසිකම් පිළිබඳ සම්මුතියේ පාර්ශවකාර රාජ්යයක් වන අතර, ළමා අයිතිවාසිකම් ආරක්ෂා කිරීම සහ ප්රවර්ධනය කිරීම සඳහා වන ජාත්යන්තර බැඳීම් ඉටු කිරීමට කැපවී සිටී.
එක්සත් ජාතීන්ගේ ළමා අයිතිවාසිකම් සම්මුතියේ මූලධර්ම මත පදනම්ව සම්පාදනය කර ඇති මෙම ගෝලීය ප්රඥප්තිය, දරුවන් අනවශ්ය ලෙස පවුල්වලින් වෙන් කිරීම වැළැක්වීම, පවුල් ශක්තිමත් කිරීම සහ පවුල් වෙත සහයෝගය ලබාදීම කෙරෙහි අවධානය යොමු කරයි.
එමෙන්ම, දරුවන් පවුල්වලින් වෙන්වීමක් සිදුවන අවස්ථාවලදී ආරක්ෂිත හා පෝෂණීය පවුල්පාදක විකල්ප රැකවරණ ක්රමවේදයන්ට ප්රමුඛත්වය ලබාදීමද මෙම ප්රඥප්තියේ අරමුණකි. ළමුන් සඳහා ආයතනික රැකවරණය මත ඇති අවලම්බනය ක්රමයෙන් අඩු කරමින්, දරුවන්ට වඩාත් සුරක්ෂිත හා ආදරණීය පවුල් පසුබිමක් තුළ හැදී වැඩීමට අවස්ථාව සැලසීම මෙහි ප්රධාන ඉලක්කයක් ලෙස සඳහන් වේ.
අදාළ ප්රඥප්තිය පිළිගැනීම මඟින්, ළමා අයිතිවාසිකම් සුරක්ෂිත කිරීමේ ජාත්යන්තර ප්රමිතීන්ට අනුකූලව ශ්රී ලංකාවේ ළමා රැකවරණ පද්ධතිය තවදුරටත් ප්රතිසංස්කරණය කිරීම සඳහා පදනමක් සකස් වනු ඇති බව ද රජය පෙන්වා දෙයි.