රුපියල් කෝටියකට අධික මුදලක් වංචා කිරීමේ සිද්ධියක් සම්බන්ධයෙන් අත්අඩංගුවට ගත් සැකකරුට එරෙහිව තවත් පැමිණිලි කිහිපයක් ගොනු කර ඇති බව පොලිස් පරීක්ෂණවලදී අනාවරණය වී තිබේ. හම්බන්තොට වරායේ වාහන නිෂ්කාශනය කරන බවට පොරොන්දු වී පුද්ගලයන් තිදෙනෙකුගෙන් රුපියල් මිලියන 6ක් ලබාගෙන ඇත.
පොලීසිය පැවසුවේ, සැකකරු රුපියල් ලක්ෂ 10ක මුදලක් වංචා කර ඇති බවයි. හම්බන්තොට වරායේ වාහන හතරක් ඉවත් කරන බවට පොරොන්දු වී කාන්තාවක් සහ පිරිමින් දෙදෙනෙකුගෙන් රුපියල් 6,271,000ක් ලබාගෙන ඇත.
වින්දිතයින් තිදෙනා විසින් කොළඹ මුල්‍ය අපරාධ විමර්ශන කොට්ඨාශයට කරන ලද පැමිණිල්ලකට අනුව සැකකරු අත්අඩංගුවට ගත් බවයි පොලිසිය සඳහන් කළේ.
සැකකරුට එරෙහිව තවත් විවිධ පොලිස් ස්ථානවලට පැමිණිලි ලැබී ඇති අතර ඔහු අලුබෝමුල්ල, අරුක්ගොඩ ප්‍රදේශයේ පදිංචි 36 හැවිරිදි අයෙකි.
සැකකරු අද අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතයි. කොළඹ මුල්‍ය අපරාධ විමර්ශන කොට්ඨාශය වැඩිදුර පරීක්ෂණ පවත්වයි.
