නීති විරෝධී ලෙස ඉන්දියාවට ඇතුළු වූ තවත් ශ්‍රී ලාංකිකයන් පස් දෙනෙකු ඉන්දියාවේ රාමේෂ්වරන්හි දී එරට පොලීසිය විසින් අත්අඩංගුවට ගෙන තිබේ.
එම පිරිස අරිචල්මුණේ වෙරළ තීරයේ අතරමං ව සිටිය දී අත්අඩංගුවට ගෙන ඇති බව ඉන්දීය මාධ්‍යය වාර්තා කරයි.
අත්අඩංගුවට ගත් ශ්‍රී ලාංකිකයන් පස් දෙනා එකම පවුලට අයත් වන අතර, කුඩා ළමුන් තිදෙනෙකු ද ඔවුන් අතර වන බව සඳහන් ය.
එම පිරිස මණ්ඩපන්හි පුනරුත්ථාපන කඳවුරක් වෙත රැගෙන ගොස් ඇති බව ඉන්දීය මාධ්‍යය වාර්තා කරයි.
ඒ අනුව මේ වන විට ශ්‍රී ලාංකිකයන් 294 දෙනෙකු නීති විරෝධී ලෙස මුහුදු මාර්ගයෙන් ඉන්දියාවට පැමිණ ඇති අතර, ඉන් දෙදෙනෙකු මිය ගොස් තිබේ.