කාන්තාවන්ගේ අයිතිවාසිකම් ආරක්ෂා කිරීම හා ඔවුන් සවිබල බලගැන්වීම සඳහා කාන්තා හා ළමා කටයුතු අමාත්යාංශය, ශ්රී ලංකා කාන්තා කාර්යාංශය හා ජාතික කාන්තා කමිටුව යන ආයතන මැදිහත්ව ‘ජාතික කාන්තා කොමිෂන් සභාව’ පිහිටුවා තිබේ.
කාන්තාවන්ගේ අභිවෘද්ධිය උදෙසා පියවර ගැනීම සම්බන්ධයෙන් ආණ්ඩුක්රම ව්යවස්ථාවෙන් සහ කාන්තාවන්ට එරෙහි සියලු ආකාරයේ හිංසනයන් තුරන් කිරීම පිළිබඳ ජාතනත්තර සම්මුතිය (CEDAW) මඟින් රජය වෙත පැවරී ඇති වගකීම සැලකිල්ලට ගෙන, මෙම ‘ජාතික කාන්තා කොමිෂන් සභාව’ පිහිටුවා ඇති අතර, මේ වන විට එහි සාමජිකයින්ද පත්කර අවසන් කර ඇති බව වාර්තා වේ.
පාර්ලිමේන්තු මන්ත්රී රවී කරුණානායක මහතා විසින් 27(2) යටතේ අසා තිබූ ප්රශ්නයකට පිළිතුරු දෙමින් ස්වාධීන කොමිෂන් සභා අතරට එක්වූ නවතම ස්වාධීන කොමිෂන් සභාව වන්නේ ජාතික කාන්තා කොමිෂන් සභාව බව අගමැතිනි ආචාර්ය හරිනි අමරසූරිය මෙණෙවිය පාර්ලිමේන්තුවේ දී ඊයේ (09) ප්රකාශ කළාය.
ඒ අනුව මෙරට ආණ්ඩුක්රම ව්යවස්ථාවට අනුව පිහිටවූ ස්වාධීන කොමිෂන් සභා නවයක් තිබූ අතර අලුතින් පිහිටවූ කාන්තා කොමිෂන් සභාව සමඟ ස්වාධීන කොමිෂන් සභා 10ක් වන බව ද අගමැතිවරිය අනාවරණය කළාය.
එහිදී වැඩිදුරටත් අදහස් දැක්වූ අගමැතිනි හරිනි අමරසූරිය මෙණෙවිය සඳහන් කළේ මෙරට මැතිවරණ කොමිෂන් සභාව ලෝකයේ හොඳම මැතිවරණ කොමිසම බවට පත්ව ඇති බවයි. එමෙන්ම තරුණ ප්රජාව විසින් ඉල්ලා සිටින ප්රජාතන්ත්රවාදය තහවුරු කරන ප්රධාන ආයතනය බවට මැතිවරණ කොමිෂන් සභාව පත්වන බවත් ලෝකය තුළින්ම ඇගැයීමට ලක්වීම සතුටුවිය හැකි කරුණක් බව ද අගමැතිවරිය සඳහන් කළාය. මෙය සුළු පටු කරුණක් නොවන අතර මෙහි ගරුත්වය මැතිවරණ කොමිෂන් සභාවට හිමිවිය යුතු බවත් අගමැතිවරිය සඳහන් කළාය.
https://documents.gov.lk/view/bills/2024/5/495-2024_S.pdf