මහේස්ත්රාත්වරුන් සහ දිස්ත්රික් විනිසුරුවරුන් 30 දෙනෙකුට පමණ එරෙහිව පැමිණිලි සහ චෝදනා මත විනය ක්රියාමාර්ග ආරම්භ කිරීමට අධිකරණ සේවා කොමිෂන් සභාව (JSC) සළකා බලමින් සිටින බව වාර්තා වේ. ඒ අනුව පසුගිය සතිය තුළ අධිකරණ සේවා කොමිසම විසින් විනිසුරුවරුන් පස් දෙනෙකුගේ වැඩ තහනම් කර ඇති අතර එම විනිසුරුවන් අතර මොරටුව දිස්ත්රික් විනිසුරු තිළිණ ගමගේ සහ මොනරාගල අතිරේක දිස්ත්රික් විනිසුරු රංජනී ගමගේ ද ඇතුළත් වේ.
වැඩ තහනම් කරන ලද අනෙක් විනිසුරුවරුන් තිදෙනා අධිකරණ සේවයට මෑතකදී බඳවා ගත් අය වන අතර ඔවුන්ගෙන් එක් අයෙකු මැතිවරණවලට තරඟ කර ඇති අතර ඔහු පත් කිරීමට පෙර ඒ බව හෙළි කර නොමැති බව වාර්තා වේ.
ඒ අනුව ලැබී ඇති පැමිණිලි මත පදනම්ව පරීක්ෂණ පැවැත්වීමට අධිකරණ සේවා කොමිසම පියවර ගෙන ඇති අතර පැමිණිල්ල නිර්නාමික එකක් නම්, මූලික පරීක්ෂණයක් පවත්වන බවට වාර්තා වේ. අධිකරණ සේවා කොමිසම පරීක්ෂණය ඉදිරියට ගෙන යෑමට තීරණය කළහොත්, චෝදනා පත්රයක් නිකුත් කරනු ලබන අතර චෝදනා විභාග කිරීම සඳහා ජ්යෙෂ්ඨ විනිසුරුවරයකු පත් කරනු ලැබේ.
විනිසුරුවරුන්ට එල්ලවන චෝදනා අතර පාර්ශවයන්ට පක්ෂපාතී වීම සහ සේවාව අපකීර්තියට පත් කරන ආකාරයෙන් ක්රියා කිරීම ද ඇතුළත් බව දැනගන්නට තිබේ.
මේ අතර, අධිකරණ සේවා කොමිසමේ පුරප්පාඩුවක් පිරවීම සඳහා විනිසුරු එස්. තුරෙයිරාජා පත්කර ඇති අතර, අධිකරණ සේවා කොමිසමේ නව ලේකම්වරයා ලෙස බදුල්ල මහාධිකරණ විනිසුරු ප්රසන්න අල්විස් නම් කර ඇත. ඔහු මීට පෙර කඩුවෙල සහ නුගේගොඩ යන ප්රදේශවල සේවය කිරීමට අමතරව කොළඹ ප්රධාන මහේස්ත්රාත්වරයා ලෙසද සේවය කළේය. හිටපු ලේකම් සංජීව් සෝමරත්න ගල්කිස්ස සිවිල් අභියාචනා මහාධිකරණයේ විනිසුරුවරයකු ලෙස පත් කර ඇත.