ඉතාලියේ පළමු අගමැතිනිය ලෙස ඉතිහාසයට එක් වූ ජෝජියා මෙලෝනි (Giorgia Meloni), සාම්ප්රදායික රාජ්ය තාන්ත්රික සීමාවන්ගෙන් ඔබ්බට ගිය සුවිශේෂී දේශපාලන පෞරුෂයකි. ඇයගේ දැඩි දක්ෂිණාංශික මතවාද, ආකර්ෂණීය පෞරුෂය මෙන්ම ලෝක බලවතුන් වන ඩොනල්ඩ් ට්රම්ප් සහ නරේන්ද්ර මෝදි සමඟ පවතින සුවිශේෂී සබඳතා හේතුවෙන් ඇය නිරන්තරයෙන් ජාත්යන්තර මාධ්යවල අවධානය දිනාගනී.
ඉතිහාසයේ සුප්රසිද්ධ ඊජිප්තු රැජින වූ ක්ලියෝපැට්රා, එකල රෝම අධිරාජ්යයේ ප්රබලම නායකයන් වූ ජුලියස් සීසර් සහ මාක් ඇන්තනි වැනි වීරයන් තමන්ගේ දේශපාලන සහ රාජ්ය තාන්ත්රික ඥානයෙන් තමන් වෙත නතු කරගත්තාය.
බොහෝ දෙනෙක් අද ජෝජියා මෙලෝනි දකින්නේ ද නූතන ලෝක දේශපාලනයේ එවැනිම චරිතයක් ලෙසය.
ක්ලියෝපැට්රා මෙන්ම මෙලෝනි ද වත්මන් ලෝකයේ සිටින දැවැන්තම සහ දැඩිම නායකයන් වන ඩොනල්ඩ් ට්රම්ප් සහ නරේන්ද්ර මෝදි වැනි චරිත තමන් වෙත ආකර්ෂණය කර ගැනීමට සමත්ව ඇත.
ඇය වටා ඇති ආකර්ෂණීය පෞරුෂය සහ තේජවන්ත බව නිසා ඇය යන ඕනෑම ජාත්යන්තර සමුළුවක අවධානය ඇය වෙත යොමු වේ.
එදා ක්ලියෝපැට්රා රෝමයේ ප්රබලයන් සමඟ සබඳතා පැවැත්වූවා සේම, අද රෝමයේ (ඉතාලියේ) සිටින මෙලෝනි මුළු ලෝකයේම අවධානය තමන් වෙත නතු කරගෙන සිටින්නීය.
“මෙලෝඩි” (Melodi) රැල්ල
ජෝජියා මෙලෝනි සහ ඉන්දීය අගමැති නරේන්ද්ර මෝදි අතර ඇති මිත්රත්වය වත්මන් ලෝකයේ වඩාත්ම ජනප්රිය රාජ්ය තාන්ත්රික සබඳතාවයකි. අන්තර්ජාලය සහ සමාජ මාධ්ය පරිශීලකයන් මේ දෙදෙනාගේ සුසංයෝගය හඳුන්වන්නේ “Melodi” යන ආදරණීය නාමයෙනි.
ජාත්යන්තර සමුළුවලදී මෙලෝනි සහ මෝදි එක්ව ලබාගන්නා සෙල්ෆි ඡායාරූප සහ කෙටි වීඩියෝ පට මිලියන ගණනින් නැරඹුම් වාර වාර්තා කරමින් අන්තර්ජාලය උඩුයටිකුරු කළේය.
රාජ්ය තාන්ත්රික මට්ටමින් ඉතාලිය සහ ඉන්දියාව අතර ආර්ථික හා ආරක්ෂක සබඳතා ශක්තිමත් කරන අතරම, පුද්ගලික මට්ටමින් ඔවුන් දෙදෙනා අතර ඇති දැඩි අන්යෝන්ය ගරුත්වය ලෝකයාටම පෙනෙන්නට තිබේ.
ජෝජියා මෙලෝනි යනු හුදෙක් තවත් එක් රාජ්ය නායිකාවක නොවේ. ඇය ඩොනල්ඩ් ට්රම්ප් වැනි බටහිර ප්රබලයෙකුගේ මතවාදී ශක්තියත්, නරේන්ද්ර මෝදි වැනි පෙරදිග බලවතෙකුගේ සමීප රාජ්ය තාන්ත්රික මිත්රත්වයත් එකලෙස කළමනාකරණය කරගන්නා සුවිශේෂී නායිකාවකි. ඇය වටා කොතෙක් කටකතා පැතිරුණද, ඇය නූතන ක්ලියෝපැට්රා කෙනෙකු සේ ලෝක දේශපාලන සිතියම තමන්ට අවශ්ය පරිදි වෙනස් කරමින් සිටින බව නොරහසකි.
බොහෝ මාද්යන් පවසන්නෙ ඇමෙරිකානු ජනාධිපති ඩොනල් ට්රම්ප් නිරන්තරයෙන් දුරකතන ය ඔස්සෙ මෙලොනිගෙ සුවදුක් විමසන බවය.
ඕනෑම ප්රබලයෙක් ගැහැණිය ඉදිරියෙ දණගසනු ඇත යන කියමන හුදෙක් ම කියමනක් ම පමණක් නොවෙනු ඇත.
සටහන ප්රසන්න බානගල