තේ කර්මාන්තයේ සහ ඒ ආශ්රිත අංශවල සේවකයන් සඳහා නව විශ්රාම වැටුප් ක්රමයක් හඳුන්වාදීමට කෘෂිකාර්මික හා ගොවිජන රක්ෂණ මණ්ඩලය සැලසුම් කර තිබේ.
කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශය යටතේ ක්රියාත්මක කිරීමට නියමිත මෙම වැඩසටහන, කෘෂිකර්ම හා ගොවිජන රක්ෂණ මණ්ඩලය සහ වැවිලි හා ප්රජා යටිතල පහසුකම් අමාත්යාංශය එක්ව ක්රියාත්මක කරනු ඇත.
යෝජිත විශ්රාම වැටුප් ක්රමය යටතේ තේ වතු සහ තේ කර්මාන්තශාලාවල සේවය කරන සේවකයන්ට ලියාපදිංචි වීමේ අවස්ථාව හිමිවන අතර, තම ආර්ථික හැකියාව අනුව දායක මුදල් තෝරාගැනීමට ද අවස්ථාව ලැබේ.
නිලධාරීන් පවසන්නේ, වයස අවුරුදු 18දී මෙම යෝජනා ක්රමයට සම්බන්ධ වී කාර්තුමය වශයෙන් රුපියල් 600ක දායක මුදලක් ගෙවන පුද්ගලයකුට වයස අවුරුදු 60 සම්පූර්ණ වූ පසු රුපියල් 5,000ක මාසික විශ්රාම වැටුපක් ලබාගැනීමට හැකිවන බවයි.
එමෙන්ම ගෙවන දායක මුදල අනුව රුපියල් 15,000, 20,000, 25,000 හෝ ඊට වැඩි මාසික විශ්රාම වැටුප් ලබාගැනීමේ හැකියාවද පවතින බව සඳහන් වේ. දායකයන්ට තම විශ්රාම ප්රතිලාභ ඉහළ නැංවීම සඳහා ඕනෑම අවස්ථාවකදී දායක මුදල් වැඩිකිරීමේ පහසුකමද ලබාදී ඇත.
මෙම යෝජනා ක්රමය යටතේ ජීවිත රක්ෂණ ආවරණයක්ද ලබාදෙන අතර, දායකයකු හදිසි අනතුරක් හේතුවෙන් සම්පූර්ණ හෝ අර්ධ ආබාධිත තත්ත්වයට පත්වුවහොත් හෝ විශ්රාම වයසට පෙර මියගියහොත් වන්දි ප්රතිලාභ හිමිවේ.
එමෙන්ම විශ්රාම වැටුප් ලබමින් සිටියදී දායකයා මියගියහොත් එම ප්රතිලාභ කලත්රයා වෙත මාරු කිරීමටද මෙම ක්රමය මගින් ඉඩ සැලසෙන බව නිලධාරීහු පෙන්වා දෙති.
තේ කර්මාන්තයේ සේවකයන් මහලු වියේදී ආර්ථික සහ සමාජ ආරක්ෂාවකින් යුතුව ජීවත්වීමට අවශ්ය පසුබිම සකස් කිරීම මෙම වැඩසටහනේ ප්රධාන අරමුණ බවද ඔවුහු අවධාරණය කළහ.