Stop Child Cruelty Trust විසින් තොරතුරු දැනගැනීමේ කොමිසමට ඉදිරිපත් කළ අභියාචනයක ප්රතිඵලයක් ලෙස, National Child Protection Authority (NCPA) 1998 පනත අනුව ළමා අපයෝජන නඩු නියාමනය කිරීමේ ක්රියාවලිය 2026 වසරේදී ආරම්භ කර තිබේ.
ඒ අනුව 2026 ජනවාරි, පෙබරවාරි සහ මාර්තු මාසවල මහාධිකරණයේ පවතින නඩු සංඛ්යාව පමණක් NCPA වෙබ් අඩවිය හරහා ප්රකාශයට පත් කර ඇති අතර, එම සංඛ්යා අනුව ජනවාරි මාසයේ මුළු නඩු 4289ක් අතරින් 1683කට දින ලබාදී ඇති අතර 2606ක් ගොඩ ගැසී ඇත. පෙබරවාරි මාසයේදී මුළු නඩු 4512ක් අතරින් 1733කට දින ලබාදී ඇති අතර 2779ක් ගොඩ ගැසී ඇති අතර, මාර්තු මාසයේදී මුළු නඩු 4421ක් අතරින් 1494කට දින ලබාදී ඇති අතර 2927ක් ගොඩ ගැසී ඇති බව හෙළිවේ.
මේ අනුව මාස තුනක් තුළම ගොඩ ගැසී ඇති නඩු සංඛ්යාව වැඩිවෙමින් පවතින ප්රවණතාවක් පැහැදිලි වේ. 1998 පනත අනුව NCPA ආයතනයට පැවරී ඇති කර්තව්යයන් ලෙස සියලු ආකාර ළමා අපචාර සම්බන්ධ නීති ක්රියාත්මක කිරීම නියාමනය කිරීම සහ එවැනි අපරාධ සම්බන්ධ විමර්ශන හා නඩු කටයුතු ප්රගතිය නිරීක්ෂණය කිරීම ඇතුළත් වන අතර, එහෙත් වත්මන් ක්රියාකාරිත්වය මෙම නීතිමය වගකීම් වලට සම්පූර්ණයෙන් අනුරූප නොවන බව සමාජ සංවිධාන පෙන්වා දෙයි.
විශේෂයෙන්ම මාසිකව පළ කරන දත්ත පසුව වෙබ් අඩවියෙන් ඉවත් කිරීම, සංඛ්යා දත්ත පමණක් පළ කර විශ්ලේෂණයක් නොමැති වීම, නඩු ගොනු කළ දිනය, චෝදනා, ඉදිරි නඩු දිනය වැනි මූලික තොරතුරු නොමැති වීම සහ පනතේ නියමයන්ට අනුව කර්තව්යයන් ක්රියාත්මක නොවීම වැනි ගැටලු දැඩි විවේචනයට ලක්ව ඇත.
දරුවන්ගේ ආරක්ෂාව සඳහා පිහිටුවා ඇති ප්රධාන රාජ්ය ආයතනයක් ලෙස NCPA කාර්යක්ෂමව ක්රියා නොකිරීම පිළිබඳව ද ප්රශ්න මතුව ඇති අතර, දත්ත ප්රකාශයට පත් කිරීම පමණක් ප්රමාණවත් නොවී ඒ මත පදනම්ව ක්රියාත්මක වීම අත්යවශ්ය බව සමාජ ක්රියාකාරීන් අවධාරණය කරයි. මෙම පසුබිම තුළ අදාළ විෂය භාර අමාත්ය සරෝජ් පෝල් රාජ් වෙතද අවධානය යොමු වී ඇති අතර, වඩාත් දක්ෂ සහ වගකීම්ගත නිලධාරීන් පත් කිරීම සහ නීතිමය වගවීම ශක්තිමත් කිරීම අත්යවශ්ය බවද පෙන්වා දෙයි.
අවසානයේදී පැහැදිලි වන්නේ දත්ත පාරදෘශ්යතාවය පමණක් නොව, එම දත්ත මත ක්රියාත්මක වන ප්රබල පද්ධතියක් නොමැතිව ළමා ආරක්ෂාව සුරක්ෂිත කළ නොහැකි බවයි.
උපුටා ගැනීම තුෂාර වික්රමනායකගේ ෆේස් බුක් පිටුවෙනි.