කැබිනට් මණ්ඩලයේ තුනෙන් එකක් දුෂිතයි! – ITJP

ශ්‍රී ලංකාවේ අමාත්‍ය මණ්ඩලයේ සාමාජිකයන් අතරින් තුනෙන් පංගුවකට පත්වීම් ලබා දී ඇත්තේ දූෂණ වංචා හෝ මිණිමැරුම් චෝදනා ලබා තිබියදී බව ජාත්‍යන්තර වශයෙන් ප්‍රකාශයට පත් වී තිබේ.

චූදිතයන්ගේ ඡායාරූපද සහිත තොරතුරු රූප සටහනක් ප්‍රසිද්ධියට  පත් කරමින් දූෂණ විරෝධී ජාත්‍යන්තර දිනය නිමිති කොට එම අධ්‍යයනය කර ඇති සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) පෙන්වා දෙන පරිදි පවරා ඇති නඩු සමහරක් තවමත් විභාග වෙමින් පවතී.

“නීතියේ ආධිපත්‍යයට ගරු කිරීම යනු අපරාධයක් සම්බන්ධයෙන් චෝදනා ලබන නිලධාරියකු වේ නම්,  රාජ්‍යයේ ඉහළම තානාන්තර වලට පත් කරනු ලැබීමට පෙර සිය නම සුද්ද කර ගැනීමයි,” යනුවෙන් ITJP විධායක අධ්‍යක්ෂිකා දකුණු අප්‍රිකාවේ ජොහැන්නස්බර්ග් නුවර සිට නිකුත් කළ නිවේදනයකින් පවසන්නීය.

“මේ මැතිවරුන් අතරින් දහ දෙනකුගේ චෝදනාව වී ඇත්තේ ඔවුන් පසුගිය පාලනයේ දේශපාලන දඩයමක් වී ඇති බවයි. ප්‍රශ්නය ඇත්තේ එතන නොවේ. නීතිය හමුවේ සියල්ලෝම සමානයෝය. අධිකරණ පද්ධතිය සහ වගවීමට ආධාරක වන ආයතන අබිබවා යාම පුරවැසියන්ගේ අයිතිවාසිකම් ආරක්ෂා කරන ආයතන වලට විනාශකාරී ප්‍රතිපල ලඟා කර දෙනු ඇත. ආයෝජකයන්ගේ විශ්වාසය බිඳ වැටීමද සිහියේ තබා ගැනීම හොඳය.”

ITJP සංවිධානය ශ්‍රී ලංකාවේ පාලකයන් සම්බන්ධ සිය අලුත්ම විවේචනය එලි දක්වා ඇත්තේ දේශපාලන පලිගැනීම් පිළිබඳව සොයා බැලීම සඳහා පත් කරන ලද ජනාධිපති පරීක්ෂණ කොමිෂන් සභාවේ පිටු 2000 ඉක්මවන වාර්තාවක් ජනාධිපති ගෝඨාභය රාජපක්ෂ අතට පත් කිරීමට පසුදාය.

පැමිණිලි 1971ක් විභාග කළ බව පැවසෙන ත්‍රි පුද්ගල කොමිසමේ සාමාජිකයන් වූයේ  විශ්‍රාමික ශ්‍රේෂ්ඨාධිකරණ විනිසුරු උපාලි අබේරත්න, විශ්‍රාමික අභියාචනාධිකරණ විනිසුරු දයා චන්ද්‍රසිරි ජයතිලක සහ  විශ්‍රාමික පොලිස්පති චන්ද්‍රා ප්‍රනාන්දුය.

Cabinet members in Sri Lanka are corrupt

Cabinet members in Sri Lanka are corrupt

Social Sharing
නවතම