ශ්රී ලංකාවේ ප්රමුඛතම ජ්යෙෂ්ඨ මාධ්යවේදියෙකු, පරිවර්තකයෙකු සහ ප්රජා අයිතිවාසිකම් හා සංහිඳියාව වෙනුවෙන් කැපවූ සිවිල් සමාජ නායකයෙකු වන එන්. එම්. අමීන් (N. M. Ameen) ගේ දශක ගණනාවක් පුරා දිවෙන මාධ්ය හා සමාජ මෙහෙවර ඇගයීම සඳහා කැනඩාවේදී විශේෂ උපහාර උළෙලක් සංවිධානය කර තිබේ.
ශ්රී ලංකා මුස්ලිම් කොමියුනිටි කැනඩා (Sri Lanka Muslim Community Canada) සංවිධානය විසින් මෙහෙයවනු ලබන මෙම උත්සවය ජුනි 26 වනදා කැනඩාවේ ස්කාර්බරෝ නගරයේ අමානා සම්මන්ත්රණ ශාලාවේදී පැවැත්වීමට නියමිතය.
මාධ්ය ක්ෂේත්රයේ දීර්ඝ සේවා කාලයක් හිමි අමීන් මහතා වත්මන් නෑනල් සහ උදයම් පුවත්පත්වල ප්රධාන කර්තෘවරයා ලෙස කටයුතු කරන අතර, මීට පෙර ලේක්හවුස් ආයතනයේ දිනකරන් ඇතුළු ද්රවිඩ ප්රකාශනවල කළමනාකාර කර්තෘවරයා ලෙස ද සේවය කර ඇත. එමෙන්ම බීබීසී සිංහල සේවයේ හිටපු මාධ්යවේදියෙකු ලෙස ද ජාත්යන්තර මාධ්ය අත්දැකීම් මෙරටට දායාද කළ අයෙකු ලෙස ඔහු සැලකේ.
මාධ්ය කටයුතු වලට අමතරව, ශ්රී ලංකා මුස්ලිම් කවුන්සිලයේ සභාපතිවරයා ලෙස කටයුතු කරමින් වාර්ගික සහජීවනය, සංහිඳියාව සහ මානව හිමිකම් ආරක්ෂාව සම්බන්ධයෙන්ද ඔහු සක්රීය දායකත්වයක් ලබා දී ඇත.
එන්. එම්. අමීන්ගේ මාධ්ය උරුමය වර්තමානයේ ජනප්රිය ඩිජිටල් පුවත් සේවාවක් වන NewsWire හි ප්රධානියෙකු ලෙස කටයුතු කරන මාධ්යවේදී අසාන් අමීන් (Azzam Ameen) හරහාද ඉදිරියට ගෙන යනු ලබයි.
කැනඩාවේ වෙසෙන ශ්රී ලාංකීය ප්රජා නියෝජිතයන්, ව්යාපාරිකයන්, සිවිල් සමාජ ක්රියාකාරීන් සහ මාධ්යවේදීන් රැසක් මෙම උපහාර උළෙලට සහභාගී වීමට නියමිත බව සංවිධායකයින් පවසයි.
Leader.lk පළවූ පුවතකි