කාන්තාවකට අතවර කිරීමේ චෝදනාවක් සම්බන්ධයෙන් මොණරාගල ප්‍රදේශයේ පාසලක විදුහල්පතිවරයෙකු අත්අඩංගුවට ගෙන තිබේ.
දොඹගහවෙල පොලීසිය විසින් ඊයේ (03) රාත්‍රී සැකකරු අත්අඩංගුවට ගෙන ඇති බව වාර්තා වේ.
පාසලේ ආපන ශාලාවේ සේවයේ නිරතව සිටි කාන්තාවකට සැකකාර විදුහල්පතිවරයා අතවර කිරීමට උත්සාහ කර ඇති බව වාර්තා වේ.
අත්අඩංගුවටගත් සැකකාර විදුහල්පතිවරයා අද (04) මොනරාගල මහෙස්ත්‍රාත් අධිකරණය වෙත ඉදිරිපත් කිරීමට නියමිතය.
සිද්ධිය සම්බන්ධයෙන් දොඹගහවෙල පොලීසිය වැඩිදුර විමර්ශන සිදුකරයි.