කොරෝනා වයිරසය ආසාදනය වීමෙන් සිදුවන මරණවලදී මළ සිරුරු භූමදානය කිරිමට අග්‍රාමාත්‍යවරයා අවසර ලබා දී දැන් දින කිහිපයක් ගතව ඇත. නමුත් සෞඛ්‍ය අමාත්‍යාංශයෙන් ඊට අදාල අනුමැතිය සහිත ගැසට්ටුව නිකුත් කෙරුනේ නැත.
ඒ සම්බන්ධයෙන් සමාජයේ විවිධ පැතිකඩ ඔස්සේ කතා නිර්මාණය විය. දැන් ඒ කතා සියල්ල නිමා කරමින් කොවිඩ් මෘතදේහ භූමිදානය කිරීමේ ගැසට්ටුව නිකුත් වී ඇත්තේය.
ඒ සඳහා වන ගැසට් පත්‍රය ඊයේ (25) රාත්‍රියේ මුද්‍රණයට යැවුණ අතර සෞඛ්‍ය ඇමතිනී පවිත්‍රා වන්නිආරච්චි මහත්මිය ඊට අත්සන් තබා තිබේ.
ඒ අනුව මින් ඉදිරියට කොවිඩ් ආසාදිතව මිය යන පුද්ගලයින් ආදාහනය කළ යුතුම නොවන්නේය. ඥාතීන්ගේ කැමැත්ත මත භූමිදානය කළ හැක.
