එක්සත් ජාතීන්ගේ අධ්යාපන, විද්යා හා සංස්කෘතික සංවිධානය (UNESCO) පවසන ආකාරයට ඇමරිකාව සහ ඊශ්රායලය විසින් සෙනසුරාදා දිනයේ ඉරානයට එල්ල කළ හමුදා ප්රහාර හේතුවෙන් ප්රාථමික කාන්තා පාසලකට එල්ල වූ බෝම්බ ප්රහාරය ජාත්යන්තර මානව හිතවාදී නීති උල්ලංඝනය කිරීමක් ලෙස සැලකිය හැකි බවයි.
වාර්තා අනුව, දකුණු ඉරානයේ මිනාබ් (Minab) ප්රදේශයේ පිහිටි කාන්තා ප්රාථමික පාසලක් මේ අයුරින් මිසයිල ප්රහාරයකින් සම්පූර්ණයෙන්ම විනාශ වී තිබේ. එම ප්රහාරයෙන් පුද්ගලයන් 150 දෙනෙකු මිය ගොස් ඇති අතර තවත් 100කට ආසන්න පිරිසක් තුවාල ලබා ඇති බව සඳහන් වේ. මියගිය අය අතර සිසු සිසුවියන් බොහෝ දෙනෙකු සිටිය හැකි බවද වාර්තා වෙයි.
UNESCO සංවිධානය සමාජ මාධ්ය හරහා නිකුත් කළ ප්රකාශයකදී ඉරිදා දිනයන් දක්වා සිදුකළ මෙම ප්රහාරයන් පිළිබඳ දැඩි කනස්සල්ල පළ කළ ඇති අතර, අධ්යාපන ආයතනයක සිටින සිසුන් ජාත්යන්තර මානුෂීය නීතිය යටතේ ආරක්ෂා කරන බවත්, “අධ්යාපන ආයතනවලට එරෙහි ප්රහාර සිසුන් සහ ගුරුවරුන් අනතුරේ හෙළන අතර අධ්යාපනයේ අයිතියට හානි කරන” බවත් සඳහන් කළේය.
මෙම ප්රහාරයන් සම්බන්ධයෙන් එක්සත් ජාතීන්ගේ මහලේකම් ඇන්ටෝනියෝ ගුටෙරෙස් ඇතුළු එක්සත් ජාතීන්ගේ පද්ධතියේ විවිධ ආයතන සහ ජ්යෙෂ්ඨ නිලධාරීන් පිරිසක්ද දැඩි විරෝධය පළ කර ඇත. එමෙන්ම ඉරානය විසින් ප්රතිප්රහාර ලෙස මැදපෙරදිග රටවල් කිහිපයකට එල්ල කළ ප්රහාර ද ඔවුන් විසින් හෙළා දක්වා තිබේ.
Source
Deadly bombing of Iran primary school ‘a grave violation of humanitarian law’: UNESCO | UN News