2025 වසරේ මැයි මාසයේ දී විදේශ සේවා නියුක්තිකයින්ගේ ප්රේෂණ 17.9ක% වර්ධනයක් පෙන්නුම් කරන බව ශ්රී ලංකා මහ බැංකුව සඳහන් කරයි.
මෙම වසරේ ජනවාරි මාසයේ සිට මැයි මාසය දක්වා කාලය තුළවාර්තා වූ මුළු ප්රේෂණ ප්රමාණය අමෙරිකානු ඩොලර් බිලියන 3.1ක් ලෙස වාර්තා වී ඇත. ශ්රී ලංකා මහ බැංකුව සඳහන් කරන ආකාරයට මේ වසරේ මැයි මාසයේ දී සංචාරක ඉපැයීම් අමෙරිකානු ඩොලර් මිලියන 164ක් ලෙස ඇස්තමේන්තු කර ඇති අතර මේ වසරේ ගතවූ කාලය තුළ දී මුළු සංචාරක ඉපැයීම් අමෙරිකානු ඩොලර් බිලියන 1.5ක් බවයි.
වාහන ආනයනය සඳහා මැයි මාසයේ දී අමෙරිකානු ඩොලර් මිලියන 118ක් වියදම් වී ඇති අතර ජනවාරි සිට මැයි මාසය දක්වා කාලය තුළ අමෙරිකානු ඩොලර් මිලියන 312ක් වාහන ආනයනය සඳහා වියදම් වී ඇති බව සඳහන්ය. මේ වන විට මෙරට දල නිල සංචිත ප්රමාණය අමෙරිකානු ඩොලර් බිලියන 6.3ක් වන අතර එය අප්රේල් මාසයේ පැවති මට්ටමට බොහෝ දුරට සමාන බව ශ්රී ලංකා මහ බැංකුව පවසා සිටියි.