ලංකාවට විදේශිය බලපෑම් පැමිණෙන තෙක් නොසිට තමන්ට හොඳම විසඳුම තීරණය කළයුතුයි.

kamzy

ලංකාවේ යුද අපරාධ පිළිබඳ ජාත්‍යන්තර පරීක්ෂණයක් කළ යුතුව ඇතැයි  ශ්‍රි ලාංකීය නෝර්වේ පාර්ලිමේන්තු මන්ත්‍රිනී  කම්සි ගුණරත්නම් මහත්මිය පවසා සිටියි.

කම්සි මහත්මිය පහුගිය 13 දා පැවති මහ මැතිවරණයෙන් නෝර්වීජියානු ලේබර් පක්ෂ මන්ත්‍රීවරයාගෙන් තරඟ කර නෝර්වේජියානු පාර්ලිමේන්තුවට තේරී පත් වූවාය.  ශ්‍රී ලාංකික සම්භවයක් ඇති කම්සි ගුණරත්නම් මහත්මිය කියා සිටින්නේ තමා ශ්‍රී ලංකාව සහ නෝර්වේ අතර සබඳතා ප්‍රවර්‍ධනය කරන අතර සියලු ජන කොටස් අතර කාන්තා සවිබල ගැන්වීම වැනි ක්ෂේත්‍රයන්හි සහයෝගීතාව කෙරෙහි අවධානය යොමු කරන බවය.

ඇය වර්ජනය කිරීම ගැන විශ්වාස නොකරන බවත්  ආයෝඡන තිබිය යුතු අතර  රැකියාව සහතික කළ හැක්කේ එයින් පමණක් බව ඇය මාධ්‍ය සාකච්ඡාවකට එක් වෙමින් කියා ඇත.

කම්සි උතුරේ ඉපදී යුද්ධය හමුවේ සිය දෙමව්පියන් සමඟ නොර්වේ බලා ගොස් තිබුණේ ඇය තුන් හැවිරිදි වියේදිය. පසුව ඇය දේශපාලනයට පිවිස තිබුණි.  ඇය මීට පෙර ඔස්ලෝහි නියෝජ්‍ය නගරාධිපතිනිය වශයෙන් 2015 සහ 2019 කාල සීමාව තුළ ජයග්‍රහණ දෙකක් ලබා ඇත.

ඇය හිටපු ජනාධිපති මෛත්‍රිපාල සිරිසේන මහතා‌ පාලන සමයේදී ලංකාවට පැමිණ ජනාධිපතිවරයා හමු විය. ඉන්පසු ප්‍රදේශ කිහිපයකම සංචාරය කළ අතර සියළුම මගීන්ගෙන් කාන්තාවන් හමුවී ඔවුන් මුහුණ දෙන අභියෝග ගැන සාකච්ඡා කර තිබුණි.

කම්සි මහත්මිය කියා සිටින්නේ සියළුම ජාතීන්ට අයත් ශ්‍රී ලාංකිකයින් සාමූහිකව මුහුණ දෙන ගැටලු සඳහා විසඳුම් සෙවීම වැදගත් බවය.  ඊට “විදෙස් රටක් නොව ශ්‍රී ලංකාවේ ජනතාව තමන්ට හොඳම විසඳුම තීරණය කළ යුතු බවත් තම ගැටලුවලට විසඳුම් සෙවීම සඳහා විදේශ රටක බලපෑම් එනතෙක් ඔවුන් බලා නොසිටිය යුතු බවය.

ස්ත්‍රී පුරුෂ සමානාත්මතාවයේ ප්‍රබල අනුග්‍රහකයෙකු වන ගුණරත්නම් කියා සිටියේ වෙළඳාම, අධ්‍යාපනය සහ වෙනත් ආකාරවලින් නෝර්වේ අඛණ්ඩව ශ්‍රී ලංකාවට ආධාර කළ යුතු බවය.

Social Sharing

Related posts