පකිස්ථානයේ සමාජ මාධ්ය ඔස්සේ ඩිජිටල් ත්රස්තවාදය පැතිර වූ බවට චෝදනා ලැබු සමාජ මාධ්ය ක්රියාකාරීන් හත් දෙනෙකුට ජීවිතාන්තය දක්වා සිර දඬුවම් නියම කර තිබේ. එය නිදහස් මාධ්යයට සහ භාෂණ නිදහසට එල්ල කළ ප්රබල තර්ජනයක් බව පාකිස්ථානයේ මානව හිමිකම් සංවිධාන රැසක් ප්රකාශ කර ඇතැයි විදෙස් මාධ්ය වාර්තා කරයි.
සමාජ මාධ්ය ක්රියාකාරින්ට එරෙහිව එරට ත්රස්ත විරෝධී අධිකරණය මේ දඬුවම නියම කර ඇත්තේ හිටපු අගමැති ඉම්රාන් ඛාන් අත්අඩංගුවට ගැනීමට එරෙහිව 2023 වසරේ මැයි නව වැනිදා පකිස්ථානයේ උද්ගත වූ විරෝධතාව අතරතුර සමාජ මාධ්ය ඔස්සේ ප්රචණ්ඩත්වය පතුරුවාලීමේ චෝදනාවට බවද වාර්තා වේ.
තවද සැකකරුවන් අධිකරණයේ පෙනී නොසිටි අවස්ථාවකදී අධිකරණ විනිසුරු තාහිර් අබ්බාස් මේ දඬුවම නියම කර ඇති අතර මේ සම්බන්ධයෙන් මානව හිමිකම් සංවිධාන සඳහන් කරන්නේ ජීවිතාන්තය දක්වා සිර දඬුවම් පැනවීම විමතියට කරුණක් බවයි. සිර දඬුවම් නියම වූ බොහෝ සමාජ මාධ්ය ක්රියාකාරින් මේ වනවිට විදේශගතව සිටින අතර, සිර දඬුවමට ලක්වීමේ අවදානම හේතුවෙන් අධිකරණයේ පෙනී නොසිටි බවත් විදෙස් මාධ්ය සඳහන් කරයි.
උපුටා ගැනීම දිනමිණ