හිටපු මුදල් අමාත්යවරුන් වන මහින්ද රාජපක්ෂ , බැසිල් රාජපක්ෂ, අලි සබ්රි, හිටපු මහ බැංකු අධිපතිවරුන්වන අජිත් නිවාඩ් කබ්රාල්, ඩබ්.ඩී. ලක්ෂමන් හා වර්තමාන මහ බැංකු අධිපති ආචාර්ය නන්දලාල් වීරසිංහ ඇතුළු 39 දෙනෙකු වගඋත්තරකරුවන් කරමින් ගොනු කර තිබූ අක්රමවත් මූල්ය කළමණාකරණය හේතුවෙන පැන නැගී ඇති මූල්ය අර්බුදය සොයා බැලීම සඳහා කමිටුවක් පත් කරන ලෙස ඉල්ලමින් මූලික අයිතිවාසිකම් පෙත්සම 02 ක් විභාගයට ගැනීමට ශ්රේෂ්ඨාධිකරණය අද (07) අවසර දුන්නේ ය.
අගවිනිසුරු ජයන්ත ජයසූරිය, බුවනෙක අලුවිහාරේ, ප්රියන්ත ජයවර්ධන, විජිත් මලල්ගොඩ සහ එල්.ටී.බී. දෙහිදෙණිය යන පංච පුද්ගල විනිසුරු මඬුල්ල හමුවේ දින ගණනාවක් පෙත්සම් සලකා බැලීමෙන් අනතුරුව ඒවා විභාගය සඳහා විනිසුරු මඬුල්ල අද අවසර ලබා දුන්නේ ය.