කැබිනට් සෞඛ්‍ය අමාත්‍ය රූකඩයක් වී ඇති බව රවී කුමුදේශ්ගෙන් චෝදනා.

ravi

ඖෂධ නීතිගත සංස්ථාව, ඖෂධ නිෂ්පාදන සංස්ථාව, ඖෂධ නියාමන අධිකාරිය, වෛද්‍ය සැපයීම් අංශය පමණක් නොව රසායනාගාර සේවාව වැනි අංශ සියල්ල කැබිනට් සෞඛ්‍ය අමාත්‍යවරයාගේ පාලනයෙන්  ගිලිහී තිබෙන සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.

සෞඛ්‍ය අමාත්‍යාංශ නිලධාරීන්, තමන්ගේ කැබිනට් අමාත්‍ය වරයා සමග ප්‍රසිද්ධියේ මත ගැටුම් ඇති කර ගැනීම ඉතිහාසය තුල ඉතා දුර්ලභ බවත් මේ වන විට ඉතා බහුලව සිදුවෙමින් පවතින එම තත්වයට හේතුව රාජ්‍ය අමාත්‍යාංශය කැබිනට් අමාත්‍යාංශය අභිබවා බලය කෙන්ද්‍ර ගත කරගෙන තිබීම බව ද ඔහු චෝදනා කර සිටියි.

සෞඛ්‍ය ලේකම් වරයා වැනි ප්‍රධාන නිළධාරීන්ද කැබිනට් අමාත්‍යාවරයාගෙන් ඔබ්බට ගොස් නියෝග දෙන තත්වයක් තුල, රටේ මහජනතාව පත් කල ව්‍යවස්ථාණුකූල අමාත්‍යවරයා, රෝග ටික පමණක් අයත් රූකඩයක් බවට පත්ව තිබෙන බවට පෙන්වා දෙන ඔහු සිහිප් කරන්නේ  මෙම ගැටුමෙහි ගොදුරක් බවට පත්වූ හිටපු සෞඛ්‍ය අමාත්‍යවරිය වරද කරුවෙකු ලෙස ඉවත් කෙරුණු බවය.

වර්තමාන  සෞඛ්‍ය අමාත්‍යවරයා එම ගැටුමට මුහුණ දීමේදී, ඉල්ලා අස්වන බවට තර්ජනය කරමින් බලය කේවල් කිරීම, ඖෂධ නිෂ්පාදන සංස්ථාවේ ප්‍රධාන නිළධාරීන්ගේ ඉල්ලා අස්වීමේ වාර්තාවෙහි සැබෑ තත්වය බවද රවී කුමුදේශ් මහතා පවසයි.

ඖෂධ පිළිබද වංචාවන් සහ ඖෂධ නියාමන අධිකාරියේ දත්ත අතුරුදන් වීම පිළිබදව සෙවීම සදහා රාජ්‍ය අමාත්‍යාවරයා පත්කල විශේෂඥ කමිටුව, ඖෂධ වංචාවන් පිළිබදව සෙවීම පසෙකට දමා, රාජ්‍ය අමාත්‍යවරයාට කැබිනට් බලතල ලබා දෙන ලෙස සිය පළමු නිර්දේශ මගින් යෝජනා කිරීමද මෙම ගැටුමෙහිම එක් පරිච්චේදයක් බවද “නිදහසේ වැඩ කර ගෙන යෑම සදහා” ජනපති නියෝගයක් ලබා ගැනීම එම කණ්ඩායමේ උත්සාහය වී ඇති බව පැහැදිළි වන අතර, ඔවුනගේ නිදහස යනු  කැබිනට් අමාත්‍යවරයා අභිබවමින් තීරණ ගැනීම සහ ලෙඩ ටික කැබිනට් අමාත්‍යවරයාට පවරා, පාලනයෙන්  තොර නිදහසක් භුක්ති විදීම බවද ඔහු කියා සිටියි.

කෙසේ නමුත් ඖෂධ පිළිබදව වෙනම රාජ්‍ය අමාත්‍යාංශයක් පිහිටුවීමේ සැබෑ අරමුණ ඉටු වී ඇත්ද යන්න නැවත සලකා බැලීමක් මේ මොහොතේ සිදු කරන ලෙස ඔහු  ජනාධිපතිවරයාගෙන් ඉල්ලා සිටින අතර, බැලූ බැල්මට අනවශ්‍ය ගැටුම් සහ ගැටළු වලට අමතරව, ඉන් මහ ජනතාවට අත්වූ වාසියක් පෙනෙන්නට නැතැයිද පෙන්වා දෙයි.

එන්නත් ගෙන්වීම කාර්යක්ෂමව සිදු කල බවට ඇතැම් නිලධාරීන් ප්‍රචාරාත්මක වාසියක් ලබා ගැනීමට උත්සාහ කලද ලෝකයේ අඩුම ඉල්ලුමක් සහිත චීන එන්නත වැඩිම මිලකට ගෙන්වා ගැනීම සදහා විශේෂ කළමනාකරණ දක්ෂතාවයක් අවශ්‍ය නොවන බවද වැඩිදුරටත් ඔහු පවසා සිටියි.

 

Social Sharing

Related posts