ඉන්දීය දේශපාලන ඉතිහාසයේ පෙරළිකාර සන්ධිස්ථානයක් සටහන් කරමින්, අන්තර්ජාලය හරහා බිහිවූ උපහාසාත්මක දේශපාලන ව්යාපාරයක් වන ‘කොක්රෝච් ජනතා පක්ෂය’ (Cockroach Janta Party – CJP) සිය ප්රථම දැවැන්ත වීදි විරෝධතාව ඊයේ (ජූනි 06) නව දිල්ලියේ ජන්තාර් මන්තර් හිදී සාර්ථකව පවත්වා තිබේ.
මිලියන සංඛ්යාත තරුණ ප්රජාවගේ ආකර්ෂණය දිනාගත් මෙම ව්යාපාරය, මෑතකදී ශ්රී ලංකාවේ සහ බංග්ලාදේශයේ ඇතිවූ තරුණ බලවේගයන්හි නැගී සිටීමට සමාන මහජන රැල්ලක් ඉන්දියාව තුළද නිර්මාණය කරමින් පවතින බව දේශපාලන විචාරකයෝ පවසති.
CJP ව්යාපාරයේ නිර්මාතෘ, 30 හැවිරිදි දේශපාලන සන්නිවේදන උපායමාර්ගිකයෙකු වන අභිජිත් දිප්කේ (Abhijeet Dipke) ඊයේ උදෑසන දිල්ලි ගුවන් තොටුපළ වෙත ළඟා වූ වහාම පොලිස් ප්රශ්න කිරීම්වලට ලක්විය. දැඩි ආරක්ෂක සීමා මධ්යයේ වුවද, පස්වරු 5:00 දක්වා සාමකාමීව විරෝධතාව පැවැත්වීමට ඔහුට අවසර හිමි විය.
ගුවන් තොටුපළෙන් පිටතට පැමිණි දිප්කේ වෙත ආධාරකරුවන් විසින් ආණ්ඩුක්රම ව්යවස්ථාවේ පිටපතක් පිළිගැන්වූ අතර, ඔහු ඉන්ස්ටග්රෑම් (Instagram Live) ඔස්සේ තරුණයන්ගෙන් ඉල්ලා සිටියේ පොලිස් නිලධාරීන්ට මල් ලබා දෙමින් සාමකාමීව විරෝධය පළ කරන ලෙසයි.
“පසුගිය වසර 10-12 තිස්සේ ඔවුන් අපව හින්දු-මුස්ලිම් දේශපාලනයක හිර කරලා තිබ්බා. ඒකෙන් මේ රටේ තරුණයන්ට රැකියා ලැබුණද?”
ජන්තාර් මන්තර් හි රැස්ව සිටි දහස් සංඛ්යාත තරුණ පිරිස අමතමින් අභිජිත් දිප්කේ ප්රශ්න කළේය.
මෙම අවස්ථාවට ප්රකට පරිසර ක්රියාකාරික සෝනම් වන්චුක් (Sonam Wangchuk) ද එක්ව සිටි අතර, ආරක්ෂාව සඳහා පැරාමිලිටරි භටයින් ඇතුළු 1,000කට අධික පිරිසක් කැඳවා තිබුණි.
මෙම ව්යාපාරය උපත ලැබුවේ මීට සති තුනකට පෙර, ඉන්දීය අගවිනිසුරු සූරිය කාන්ත් (Surya Kant) විසින් පද්ධතිය විවේචනය කරන තරුණයන්ව “කැරපොත්තන්” ලෙස හැඳින්වීමේ වාචික ප්රකාශයට ප්රතිචාරයක් වශයෙනි.
තරුණයන් එම අපහාසය තමන්ගේ අනන්යතාවක් කරගනිමින් #MainBhiCockroach (මමත් කැරපොත්තෙක්) හෑෂ්ටැග් රැල්ල හරහා CJP ගොඩනැගීය.
උපහාසාත්මක මුහුණුවරක් ගත්තද, CJP හි ඉල්ලීම් අතිශය බරපතළය
විභාග වංචා වැළැක්වීම, NEET, CBSE සහ CUET වැනි ජාතික විභාගවල ප්රශ්න පත්ර පිටවීම්වලට වහාම විසඳුම් ලබාදීම. අධ්යාපන ඇමතිගේ ඉල්ලා අස්වීම
විභාග අක්රමිකතා හේතුවෙන් සිසුන් පස් දෙනෙකු සියදිවි හානිකරගැනීමේ වගකීම භාරගෙන මධ්යම අධ්යාපන අමාත්ය ධර්මේන්ද්ර ප්රධාන් වහාම ධූරයෙන් ඉල්ලා අස්විය යුතුය.
රැකියා වියුක්තිය
රටේ පවතින දැවැන්ත රැකියා විරහිතභාවයට සහ ආර්ථික පීඩනයට කඩිනම් විසඳුම් සෙවීම.
නරේන්ද්ර මෝදි රජය විසින් CJP හි ‘X’ ගිණුම ඉන්දියාව තුළ තහනම් කර ඇති අතර, මෙය විදේශීය කුමන්ත්රණයක් බවට චෝදනා කරයි. එහෙත් විපක්ෂ නායක ශෂී තරූර් සහ ප්රකට යූ ටියුබ්කරු ධෘව් රතී වැනි බලපෑම් සහගත චරිත මේ වන විටත් CJP වෙත සිය සහය පළ කර තිබේ.
දකුණු ආසියානු කලාපයේ මෑතකාලීන දේශපාලන පෙරළි හමුවේ, මෙම ‘කැරපොතු බලවේගය’ ඉන්දියාවේ සාම්ප්රදායික දේශපාලන ගමන්මග වෙනස් කරනු ඇතැයි විචාරකයෝ පෙන්වා දෙති.
උපුටා ගැනීම – theleader.lk