සමෘද්ධි ප්‍රතිලාභ ලබන පවුල් 1,280,000ක් “අස්වැසුම” සඳහා ඉල්ලුම් කර ඇති අතර, ඉන් පවුල් 887,653ක් සුදුසුකම් ලබා ඇත. දැනට සමෘද්ධි සහනාධාරය ලබන පවුල් අතරින් “අස්වැසුම” සඳහා සුදුසුකම් නොලබන පවුල් 393,094ක් සඳහා අභියාචනා/විරෝධතා ක්‍රියාවලිය අවසන් වනතුරු සමෘද්ධි දීමනාව දීර්ඝ කිරීමට තීරණය විය. ඉදිරිපත් කර ඇති අභියාචනා සහ විරෝධතා සමාලෝචනය කර එය අවසන් වූ වහාම නව අයදුම්පත් භාර ගැනීම ආරම්භ කිරීමට කටයුතු කරනු ලැබේ.
දැනට, පවුල් 1,792,265ක් අස්වැසුම මත සුබසාධන ප්‍රතිලාභ සඳහා සුදුසුකම් ලබා ඇති අතර ඉන් 9,046,612ක් සුබසාධන ප්‍රතිලාභ සඳහා අලුතින් සුදුසුකම් ලබා ඇත. පවුල් ලක්ෂ 20කට සහන ලබාදීමට නියමිත අතර අභියාචනා සහ විරෝධතා සලකා බැලීමෙන් අනතුරුව ඉලක්කයට ළඟාවීමට හැකිවනු ඇත.
මේ අතර, ආධාර ලබන වයෝවෘද්ධ, වකුගඩු සහ ආබාධිත පුද්ගලයින් සඳහා පෙර පරිදිම ගෙවනු ලැබේ. ඒ අනුව වැඩිහිටි දීමනා තැපැල් කාර්යාල හරහාත් වකුගඩු හා ආබාධිත දීමනා ප්‍රාදේශීය ලේකම් කාර්යාල හරහාත් ලබාදීමට කටයුතු කරනවා.
වැඩිහිටි නිවාසවල, ළමා නිවාසවල, ආබාධිත මධ්‍යස්ථානවල සහ ආගමික ස්ථානවල සිටින 11,660 දෙනාට නව දේශපාලනයක් සකස් වන තුරු වෙනසක් නොමැතිව දීමනා ලැබෙනු ඇත.