පැමිණිලි සම්බන්ධයෙන් ප්‍රකාශ සටහන්කර ගැනීම සඳහා කැඳවනු ලබන අවස්ථාවේ පුද්ගලයන්ට එවැනි පැමිණිලිවල අන්තර්ගතය පිළිබඳව දැනුම් දිය යුතු ක්‍රියා පටිපාටිය දැක්වෙන චක්‍රලේඛයක් වැඩබලන පොලිස්පතිවරයා විසින් නිකුත් කර ඇති බව නීතිපතිවරයා ඊයේ (ජූලි 3) ශ්‍රේෂ්ඨාධිකරණයට දැනුම් දී ඇත. මේ වනවිටත් මෙම චක්‍රලේඛය දිවයින පුරා සියලුම පොලිස් ස්ථාන වෙත බෙදාහැර ඇත.
අපරාධ පරීක්ෂණ දෙපාර්තමේන්තුවේ (CID) පරිගණක අපරාධ විමර්ශන අංශයට (CCID) එරෙහිව බලශක්ති විශේෂඥ විධුර රළපනාව විසින් ගොනුකරන ලද මූලික අයිතිවාසිකම් පෙත්සමක් විභාග කිරීමේ දී මෙම නිවේදනය නිකුත් කර ඇති බවට වාර්තාවේ. මෙම පෙත්සම ශ්‍රේෂ්ඨාධිකරණ විනිසුරුවරුන් වන අචල වෙන්ගප්පුලි සහ සම්පත් විජයරත්න යන මහත්වරුන්ගෙන් සමන්විත විනිසුරු මඩුල්ලක් ඉදිරියේ කැඳවා ඇති අතර පෙත්සම්කරු පවසන පරිදි රාළපනාව සමාජ මාධ්‍යවල පළකර ඇති මතයක් සම්බන්ධයෙන් ප්‍රකාශයක් ඉල්ලා ඇති අතර CCID නිලධාරියෙකු ඔහු හා සම්බන්ධ වී ඇති නමුත් පැමිණිල්ලේ ස්වභාවය පිළිබඳව ඔහු එම නිලධාරීන්ගෙන් විමසා ඇති නමුත් නිලධාරීන් කිසිදු විස්තරයක් හෙළිකිරීම ප්‍රතික්ෂේප කළ බවයි.
ඔහු සඳහන් කර සිටින්නේ මේ අයුරින් විස්තර හෙළි නොකිරීම තුළින් ඔහුගේ මූලික අයිතිවාසිකම් උල්ලංඝනය වූ බවත් වගඋත්තරකාර පොලිස් නිලධාරීන් එවැනි තොරතුරු ලබානොදීම මගින් තම මූලික මානව හිමිකම් උල්ලංඝනය කර ඇති බවට තීන්දුවක් ඉල්ලා පෙත්සම්කරු මෙම පෙත්සම ගොනු කළේය.
ඒ අනුව පෙත්සමට ප්‍රතිචාර වශයෙන්, නීතිපතිවරයා ඊයේ අධිකරණයට දන්වා සිට ඇත්තේ අධිකරණය හමුවේ ලබා දුන් පූර්ව පොරොන්දුවකට අනුව, වැඩ තහනමට ලක්කරන ලද පොලිස්පති දේශබන්දු තෙන්නකෝන් සහ CCID හි අදාළ නිලධාරීන් විසින් චක්‍රලේඛයක් සකස්කර නිකුත් කර ඇති බවයි.
පෙත්සම්කරුගේ නීතිඥවරයා අධිකරණයට දන්වා සිටියේ තම සේවාදායකයා චක්‍රලේඛය නිකුත් කිරීම පිළිබඳව සෑහීමකට පත්වන බවත්, එහි ප්‍රතිඵලයක් ලෙස මෙම කාරණය අවසන් කරන ලෙස ඉල්ලා සිටි බවත්ය. ඒ අනුව, පෙත්සම විභාගය අවසන් කිරීමට ශ්‍රේෂ්ඨාධිකරණය තීරණය කර ඇති අතර අත්හිටුවන ලද පොලිස්පති දේශබන්දු තෙන්නකෝන්, පරිගණක අපරාධ විමර්ශන අංශයේ උප පොලිස් පරීක්ෂක තිසර සහ එම අංශයේ ස්ථානාධිපති (OIC) යන අය පෙත්සමේ වගඋත්තරකරුවන් ලෙස නම්කර ඇත.
පොලිස්පතිවරයා නිකුත්කර ඇති අදාළ චක්‍රලේඛයට අනුව, පැමිණිල්ලකට අනුව යම් පුද්ගලයකු පොලිසියට කැඳවන්නේ නම්, ඔහුට එරෙහිව ඇති චෝදනා මොනවාද යන්න පොලිසිය විසින් අදාළ පුද්ගලයාට අනිවාර්යයෙන් දැනුම්දිය යුතුය.
