බලශක්ති, කෘෂිකර්මාන්ත, සංචාරක, රැකියා හා බලශක්ති ආයෝජන සඳහා මෙම ණය පැකේජය වසර තුනක කාලයක් සදහා ඉතා අඩු පොලියකට ලබා දී ඇත.
ලෝක බැංකුවේ ඇස්තමේන්තු අනුව, ඉදිරි දශකය තුළ ශ්‍රී ලංකාවේ ශ්‍රම බලකායට තරුණයින් මිලියනයකට ආසන්න සංඛ්‍යාවක් ඇතුළත් වන නමුත්, එම කාලය තුළදීම නිර්මාණය වීමට නියමිත රැකියා ප්‍රමාණය 300,000ක් පමණ වේ.
හිරු හා සුළං බලශක්ති සඳහා සහාය වීමට ඩොලර් මිලියන 4ක ඇපකර (guarantees) ඇතුළුව ඩොලර් මිලියන 185ක් පමණ යොමු වනු ඇත. මෙම ව්‍යාපෘතිය මගින් පෞද්ගලික අංශයෙන් ඩොලර් මිලියන 800ක මුදලක් ලබාදීමට අපේක්ෂා කෙරේ.
ගොවීන් හා කෘෂි ව්‍යාපාරිකයන්ට නව තාක්ෂණයන් භාවිතා කිරීමට, වෙළඳපොළ වෙත ප්‍රවේශ වීමට, සහ පෞද්ගලික ප්‍රාග්ධනය ආකර්ෂණය කර ගැනීමට උපකාර කිරීම සඳහා ඩොලර් මිලියන 100ක් වෙන් කෙරේ.
මෙම වැඩසටහන මගින් කෘෂි-ආහාර නිෂ්පාදකයින් 8,000ක් ඇතුළුව පුද්ගලයින් 380,000කට වැඩි ප්‍රමාණයකට ප්‍රතිලාභ ලැබෙන අතර, පෞද්ගලික අංශයෙන් ඩොලර් මිලියන 17ක මුදලක් ලබා ගැනීමට උපකාරී වනු ඇත.
සංචාරක කර්මාන්තය සඳහා ස්වාභාවික හා සංස්කෘතික වත්කම් ආරක්ෂා කිරීමට සහ රැකියා නිර්මාණය කිරීමට ඩොලර් මිලියන 200ක් ලැබෙනු ඇත.
තවත් ඩොලර් මිලියන 200ක් ග්‍රාමීය යටිතල පහසුකම් හා දේශීය කර්මාන්ත සඳහා යොමු කෙරෙන අතර, මෙමගින් උතුරු හා නැගෙනහිර පළාත් ඇතුළු ඓතිහාසිකව අඩු සේවා සැපයුම් ප්‍රදේශවල රැකියා අවස්ථා නිර්මාණය කිරීමට උපකාරී වනු ඇත.