රසායනික ද්‍රව්‍ය හිඟයක් හේතුවෙන් අක්මාව හා වකුගඩු බද්ධ කිරීමේ රෝගීන්ට අත්‍යවශ්‍ය වන ටැක්‍රොලිමස් මට්ටම් පරීක්ෂණ, රජයේ රෝහල්වල දින නියමයක් නොමැතිව ප්‍රමාද වී ඇති බව වාර්තා වේ.
පසුගිය මාස තුනක කාලය තුළ රසායනික හිඟය හේතුවෙන් පරීක්ෂණය ලබා ගත නොහැකි වූ බව කොළඹ ජාතික රෝහලේ රසායනාගාර නිලධාරීන් තහවුරු කර ඇති බව වාර්තා වේ. ශ්‍රී ලංකා වෛද්‍ය පර්යේෂණ ආයතනයේ අධ්‍යක්ෂ වෛද්‍ය සුරංග දොළමුල්ල මහතා පවසන ආකාරයට මෙම රසායනික ද්‍රව්‍ය හිඟකම හේතුවෙන් තම ආයතනය ද අර්බුදයකට මුහුණ දී සිටින බවයි.
අක්මාව හෝ වකුගඩු බද්ධ කිරීමෙන් පසු එවැනි රෝගීන් සඳහා වෛද්‍යවරයකු විසින් නියම කරන ආකාරයට අනුව මාසිකව හෝ සෑම මාස තුනකට වරක් සිදු කළ යුතු තීරණාත්මක පරීක්ෂණයක් වන්නේ ටැක්‍රොලිමස් මට්ටම් පරීක්ෂාවයි. එම රෝගීන් සඳහා ජීවිත කාලය පුරාම භාවිත කළ හැකි ඖෂධයක් වන ටැක්‍රොලිමස් හි සුදුසු දෛනික මාත්‍රාව මෙම පරීක්ෂණය මගින් තීරණය කරනු ලබයි. පරීක්ෂණ ප්‍රතිඵල මත පදනම්ව ටැක්‍රොලිමස් මට්ටම් සම්මත පරාසයට වඩා අඩු නම්, බද්ද කළ අවයව ප්‍රතික්ෂේප කිරීම වැළැක්වීම සඳහා මාත්‍රාව වැඩි කළ යුතුය. මට්ටම් ඉතා ඉහළ නම්, දරුණු අතුරු ආබාධ වළක්වා ගැනීම සඳහා මාත්‍රාව අඩු කළ යුතුය. ටැක්‍රොලිමස් මට්ටම් නිසි ලෙස නිරීක්ෂණය කිරීමට සහ සකස් කිරීමට අපොහොසත් වීම ජීවිතයට තර්ජනයක් වේ.
අඩු ටැක්‍රොලිමස් මට්ටම් ශරීරය බද්ධ කළ ඉන්ද්‍රිය ප්‍රතික්ෂේප කිරීමේ අවදානම වැඩි කරන අතර අධික ලෙස ඉහළ මට්ටම් අනෙකුත් අවයවවලට හානි කළ හැකි බවට වෛද්‍යවරු අනතුරු අඟවති. ඒ අනුව බද්ධ කිරීමේ රෝගීන් සඳහා නිතිපතා ටැක්‍රොලිමස් පරීක්ෂණයේ ඉහළ වැදගත්කම මෙයින් ඉස්මතු කරයි. කෙසේවෙතත්, මෙම පරීක්ෂණය දැනට බොහෝ රජයේ රෝහල්වල නොමැත. පෞද්ගලික රෝහල් මගින් රු. 26,000ක පමණ වියදමකින් පරීක්ෂණය ලබා ගත හැකි අතර එය බොහෝ රෝගීන්ට දැරිය නොහැකිය.
මීට අමතරව, මෙම පරීක්ෂණය කොළඹ වෛද්‍ය පර්යේෂණ ආයතනය සහ කොළඹ ජාතික රෝහල ඇතුළු ප්‍රධාන රෝහල් කිහිපයක පමණක් පවත්වනු ලබන අතර, එමඟින් දිවයින පුරා රෝගීන් දැඩි අවදානම් තත්ත්වයකට පත්වේ.
ර
