2024 වසරේ අගෝස්තු සිට සැප්තැම්බර් දක්වා කාලය ඇතුළත සයිබර් අපරාධ සම්බන්ධ සිද්ධීන් 9000කට අධික ප්‍රමාණයක් වාර්තා වී ඇති බව ශ්‍රී ලංකා පරිඝනක හදිසි ප්‍රතිචාර සංසදය (SLCERT) ප්‍රකාශ කරයි. මෙම සංසදයේ ඉංජිනේරු චාරුක දමුණුපොළ මහතා පවසන ආකාර්‍යට අනුව සයිබර් අපරාධ ක්‍රියාකාරකම්වල සැළකිය යුතු වර්ධනයක් පවතින බව ඔහු පවසයි. මෙම සිදුවීම්වලින් 80%කට පමණ සමාජ මාධ්‍ය වේදිකා සම්බන්ධ වන අතර එමඟින් පරිශීලකයන් අන්තර්ජාලය ඔස්සේ මුහුණ දෙන විවිධ තරාතිරමේ අවදානම ද ඉස්මතු කරයි. සයිබර් තර්ජන අඛණ්ඩව විකාශනය වන බැවින් පුද්ගලයන්ට සහ සංවිධානවලට සුපරීක්ෂාකාරීව සිටීම සහ සිදුවිය හැකි සයිබර් ප්‍රහාරවලින් ආරක්ෂා වීමට ක්‍රියාකාරි පියවර අනුගමනය කිරීම ඉතා වැදගත් වේ.
දමුණුපොළ මහතා පවසන ආකාරයට අනුව පැමිණිලි අතරින් 20%ක් විශේෂයෙන්ම සයිබර් අපරාධවලට සම්බන්ධවන ඒවා වන අතර පැමිණිලි 1400ක් අන්තර්ජාල වංචා සම්බන්ධව පැමිණිලි වන අතර සිද්ධීන් 85ක් ළමුන් සම්බන්ධව සයිබර් හිරිහැර කිරීම් වන අතර එයින් බාලවයස්කරුවන් ඉලක්ක කර ගනිමින් අන්තර්ජාලය හරහා ලිංගික අපයෝජන 40ක් වාර්තා වී ඇති බව ඔහු සඳහන් කරයි. මෙම සංඛ්‍යාලේඛන ඩිජිටල් භූ දර්ශනය තුළ අවදානමට ලක්විය හැකි ජනගහනය ආරක්ෂා කිරීම සඳහා ආරක්ෂිත පියවර ගැනීමේ වැදගත්කම සහ දැනුවත් කිරීමේ මුලපිරීම්වල හදිසි අවශ්‍යතාව පෙන්නුම් කරයි.