කොරෝනා මරණ භූමිදානය ඉතා අවදානම් – මහාචාර්ය ජිනදාස කටුපොත

පර්යේෂණයක් සිදුකර නිශ්චිතව තහවුරු කරගන්නා තෙක් කොරෝනා මරණ භූමිදානය සිදුකිරීම කිසිසේත්ම නොකළයුතු බව ශ්‍රී ජයවර්ධනපුර විශ්වවිද්‍යාලයේ සම්මානිත මහාචාර්ය ජිනදාස කටුපොත මහතා පවසනවා.

කොරෝනා රෝගයෙන් මියයන පුද්ගලයින්ගේ සිරුරු තලෙයි මන්නාරම හෝ ලංකාවේ කිසිම ස්ථානයක භූමිදානය සඳහා සුදුසු නොවන බව මහාචාර්ය ජිනදාස කටුපොත පැවසයි.

රටේ වියලි කලාපය මේ සඳහා සුදුසු බවට යම් පුද්ගලයින් අදහස් දැක්වුවද වියලි කලාපය යන්න නිර්වචනය කිරීමට ඔවුන්ට හැකියාවක් පවතින්නේදැයි මහාචාර්යවරයා ප්‍රශ්න කර සිටියා.

දැනට විද්‍යාඥයින් සොයාගෙන ඇත්තේ අධික උෂ්ණත්වයකදී කොරෝනා වෛරසය විනාශවන බවත්, අනෙකුත් කාරනා පිළිබඳව තවමත් පර්යේෂණ කර සොයාගෙන නොමැති බැවින් එකම විසඳුම වන්නේ වෛරසය හේතුවෙන් මිය යන පුද්ගලයින් ආදාහනය කිරීම පමණක්ම බවත් ඒ මහතා පැවසීය.

විද්වතුන්ගේ මතයට පයින් ගහලා තීන්දු නොගන්නා ලෙස ජනාධිපතිවරයාගෙන් ඉල්ලා සිටි ඒ මහතා ජාතිවාදයකින් තොරව මෙය බේරුමක් කර ගත යුතු බවත් බේරුමක් කරගැනීමට යැයි පවසමින් වෛරසය වළදැමීමට ඉඩ දිය නොහැකි බවත් අවධාරණය කර සිටියා.

 

Social Sharing
නවතම