‘සල්ලි අච්චු ගහන්න වෙනවා’ අග්‍රාමාත්‍ය රනිල් වික්‍රමසිංහ

දැනට සල්ලි අච්චු ගහන්න වෙන බවත් සල්ලි අච්චු නොගැසුවොත් රාජ්‍ය සේවක පඩි ගෙවන්නට බැරිවෙන බවත් අග්‍රාමාත්‍ය රනිල් වික්‍රමසිංහ BBC සිංහල සේවය සමග සම්මුඛ සාකච්ඡාවකට එකතුවෙමින් කියා සිටී.

දැනට රුපියල් ට්‍රිලියන 3ක මුදලක් අච්චු ගසා ඇති බවත්, විදේශ සංචිත සිඳී ඇති බවත් ප්‍රකාශ කළ ඒ මහතා පසුගිය ආණ්ඩුව බොරු කියූ බවද ප්‍රකාශ කළේය.

ගෝඨාගෝගම තවදුරටත් පැවතිය යුතු බව ප්‍රකාශ කරන ඒ මහතා තමන්ට බහුතරය නැතත් සියල්ලෝම එකතුකරගෙන මෙම ආර්ථික අර්බුදය විසඳා ජනතාවට තුන්වේල කන්න පුලුවන් පරිසරයක් හදන බව, පෝලිම් යුගය අවසන් කරන බව ප්‍රකාශ කරයි.

තමන් 2002 දී චන්ද්‍රිකා සමග වැඩ කළ බවත් 2015දී මෛත්‍රීපාල සමග වැඩ කළ බවත් ඒ සෑම අවධියකදීම රටේ ආර්ථිකය නගාසිටුවා ප්‍රජාතන්ත්‍රවාදය ආරක්ෂා කරන්න කටයුතු කළ බව ප්‍රකාශ කරන ඒ මහතා මෙවර හෝ IMF වැඩපිළිවෙළ සාර්ථක කරගත යුතු බව ප්‍රකාශ කරයි.

Social Sharing
නවතම