English      |      සිංහල      |      Articles      |      Interviews      |      Videos      |      Contact Us
  
Share |   


‘මුස්ලිම් ජනතාව කම්පනයෙන්’


‘මුස්ලිම් ජනතාව කම්පනයෙන්’

සාමාන්‍ය මුස්ලිම් ජනතාව දැන් ඉන්නේ කම්පන අවස්ථාවක බවත් ඔවුනට ආරක්ෂාව අවශ්‍ය බව රජයට කියා සිටින බවත් සමස්ත ලංකා ඉස්ලාම් විද්වතුන්ගේ සංගමයේ තරුණ කටයුතු ලේකම් අස්ලම් නුරාවි මවුලව්තුමෝ පැවැසූහ.
 
කිසියම් අන්තවාදී මතයක ඉන්න තරුණයන් ඉන්නවා නම් හඳුනගන්න කියලා මේ වනවිට පල්ලිවලට කියා තිබෙන බව ද මවුලව්තුමෝ කීහ.
 
සමාජ ජාලවල නොයෙක් දේ හුවමාරු වුණත් මෙවැන්නක් වේයැයි තමන් නොසිතු බව පැවසූ අස්ලාම් නුරාවි මවුලවිතුමෝ ‘මේ  ප‍්‍රහාර එල්ලවීම ගැන දැනගෙන හිටියා... අපි දන්නවා...’ කියා රජයේ නියෝජිතයන් පොඩි ළමයි මෙන් කියනවිට තමන්ටත් ලැජ්ජා සිතෙන බව ද පැවසූහ.
 
බොරැල්ල අගරදගුරු නිල නිවසේ අද (22) පැවැති මාධ්‍ය හමුවක දී අදහස් දක්වමින් මවුලවිතුමෝ මෙසේ ද කීහ.
 
”අපේ දරුවො පල්ලියට යන්න බයයි. කෝවිලට යන්න බයයි. ආගමේ මැදිහත් කම ආරක්ෂාව නැහැ කියන මතයක් දැන් තිබෙනවා...අපි දැනුවත් කරල තියෙනවා. නමුත් කි‍්‍රයාත්මක වෙලා නැහැ කියා පෙනෙනවා. නමුත් අපට නීතිය අතට ගන්න බැහැ. මිනිස් ජීවිත ආරක්ෂා කරන්න අපටත් වගකීමක් තිබෙනවා”
 
”මේ ත‍්‍රස්ත කණ්ඩායම් මොන නමින් හිටියත් මේ වගේ ප‍්‍රහාර එල්ල කරන පිරිස් මනුෂ්‍ය ජාතියේ වෙන්න බැහැ. මේ මානසික රෝගීන් රෝගී තත්ත්වයෙන් මුදවා ගන්න ලැබේවා කියා පතනවා...”
 
”ජීවිත ගණනාවක් අහිමි වුණා..... සමාජ මාධ්‍ය තුලින් මුස්ලිම් සමාජයට දිගටම එල්ල කරන චෝදනා වලට එරෙහිව අපි හා අත්වැල් බැඳගැනීම ගැන අපි මේ ස්වාමින් වහන්සේලාට ස්තුති වන්ත වෙනවා”
 
මේ තත්ත්වය තුළින් අපගේ ආරක්ෂාව පිළිබඳ ප‍්‍රශ්නයක් ඇති වෙලා තිබෙනවා. රජයෙන් ඉල්ලන්නේ අපට ආරක්ෂාව දෙන්න කියලයි... දෙවියන් වහන්සේගේ සහ ඉන් පසුව රජයේ ආරක්ෂාවයි අපි බලාපොරොත්තු වෙන්නේ. මහජන මුදලින්  පාලනය වන මේ රටේ මේ වගේ ජීවිත විනාශවීම් වලකා ගන්න බැරි ඇයි? ත‍්‍රස්තවාදය වැළැක්වීමේ පනත යටතේ සැකකටයුතු අය අත්අඩංගුවට ගන්න බැරි ඇයි?

”ජීවිත 290 කට විනාශ වුණාට පසුව නම් ක‍්‍රියාත්මක වුණේ මොකක් නිසාද එහෙම වෙන්නේ කියා සොයා බැලිය යුතුයි”

”අපි සියලූ දෙනා එක්ව ශ්‍රී ලාංකික අනන්‍යතාවයක් ගොඩ නගා ගැනීමට සූදානම් වෙමු. මේ ප‍්‍රහාරවලින් කවුරුවත් දිනන්නේ නැහැ. රටේ ආර්ථිකය වැටෙනවා විතරයි. වගකිව යුතු මුස්ලිම් වැසියෙක් ඉන්නවා නම් ඒ අය අත් අඩංගුවට ගන්න අපේ සහය දෙනවා” යැයි ද මවුලවිතුමා කියා සිටියේය.





2019-04-22
Advertisement

Find us on Facebook