English      |      සිංහල      |      Articles      |      Interviews      |      Pictures      |      Videos      |      Contact Us
  
Share |   


ශ්‍රී ලංකාව නිදහස් මාධ්‍ය දර්ශකයේ ඉදිරියට
ජාත්‍යන්තරය ඉදිරියේ ශ්‍රී ලංකාව පසුගිය සතියේ නැවත වරක් ගෞරවයට පාත්‍රවිය. ඒ 2018 ලෝක පුවත්පත් නිදහස පිළිබඳ 2018 දර්ශකයේ වාර්තාවෙනි. එම දර්ශකයේ සඳහන් රටවල් 180 අතරින් ශ්‍රී ලංකාව මෙවර 131 වන ස්ථානයට පැමිණියා ය. 2017 වාර්තාවට සාපේක්ෂව එය දර්ශක ඒකක 10ක් ඉදිරියට ගමන් කිරීමකි.

රටවල් 180 අතරින් අන්තිම රට උතුරු කොරියාවයි. එරිට්‍රියාව 179 වන ස්ථානයට පත් රටයි. ටර්ක්මේන්ස්තාන් රාජ්‍යය 178 වන ස්ථානයට පත් අතර සිරියාව 177 වන ස්ථානයට පත්ව ඇත. චීනය ස්ථානගතව ඇත්තේ 176 වන ස්ථානයේ ය.

නෝර්වේ රාජ්‍යය අංක 01 ටත්, ස්වීඩන් රට දෙවන ස්ථානයටත්, නෙදර්ලන්තය තුන්වන ස්ථානයට හා අමෙරිකා එක්සත් ජනපදය 45 වන ස්ථානයටත් මහා බ්‍රිතාන්‍ය 40 වන ස්ථානයට ස්ථානගතවීමත් මෙවර වාර්තාවේ විශේෂිත කරුණුය.

එම වාර්තාව පවසන අන්දමට ශ්‍රී ලංකාවේ දූෂණ ගැන සහ සෙසු සංවේදී කරුණු පිළිබඳව කිසිදු බියකින් තොරව කටයුතු කිරීමට දැන් මෙරට මාධ්‍ය‍වේදිනට අවස්ථාව සැලසී තිබේ. එසේම හමුදාව මිනිස් අයිතිවාසිකම් කඩකරන්නේ නම් ඒ ගැනද බියෙන් තොරව කටයුතු කිරීමට මාධ්‍යයට දැන් නිදහස හිමිව ඇත.

ආසියා කලාපීය රටවල් අතර භූතානය 94 වන ස්ථානයටත්, ඉන්දියාව 138 වන ස්ථානයටත්, පාකිස්ථානය 139 වන ස්ථානයටත්, නේපාලය 106 වන ස්ථානයටත් ළඟා වී තිබේ.

2015 දේශපාලන පරිවර්තනය සමඟ ඇති වූ නව ආණ්ඩුව ප්‍රකාශයට පත් කෙළේ 2015 ට පෙර සිදු වූ පුවත්පත්කලාවේදීන්ගේ අබිරහස් මරණ පිළිබඳව පරීක්ෂණ අරඹන බවයි. ඒ අනුව එබඳු සිද්ධීන් පිළිබඳව පරීක්ෂණ ඇරැඹිණ. ඇතැම් සිද්ධීන් අධිකරණය හමුවේය. අද පුවත්පත් කලාවේදිනට නිදහසේ කටයුතු කළ හැකි වාතාවරණක් පහළ වී තිබේ. තොරතුරු දැනගැනීමේ පනතක් සම්මතව තිබේ. මේ අන්දමේ වෙනස්කම් නිසා ශ්‍රී ලංකාවට නිදහස් මාධ්‍ය දර්ශකයේ ඉදිරියට පැමිණීමට අවස්ථාව ලැබුණි.




2018-05-08
Advertisement

Find us on Facebook