English      |      සිංහල      |      Articles      |      Interviews      |      Pictures      |      Videos      |      Contact Us
  
Share |   


ජනපති දූෂණ විරෝධී සමුළුව අමතයි !

දුෂිතයන් විසින් සොරකම් කරන ලද වත්කම් නැවත ලබා ගැනීම සඳහා ශ්‍රී ලකාව දැනටමත් ක්‍රියාවලියක් ආරම්භ කර ඇති බව මෛත්‍රිපාල සිරිසේන ජනාධිපතිවරයා ලන්ඩනයේ දී පවසයි.

ජනාධිපතිවරයා මේ බව කියා සිටියේ ජාත්‍යන්තර දූෂණ විරෝධී සමුළුව අමතමින්.

ලන්ඩනයේ ආරම්භ වූ ජාත්‍යන්තර දූෂණ විරෝධී සමුළුවට සහභාගී වීම සඳහා ජනාධිපති මෛත්‍රිපාල සිරිසේන ජනාධිපතිවරයා බ්‍රිතාන්‍යයට ළඟා වුණේ ඊයේ (11) රාත්‍රියේ යි.

2015 දී බලයට පත් වීමෙන් අනතුරුව ශ්‍රී ලංකාවේ දූෂණ මැඬලීම සඳහා අනුගමනය කරන ලද ක්‍රියාමාර්ගයන් පිළිබඳව ජාත්‍යන්තරය දැනුවත් කිරීම සඳහා ජනාධිපතිවරයා මෙය අවස්ථාවක් කර ගත්තේය.

ජනාධිපතිවරයා ලන්ඩනයට පැමිණ සිටින අතරතුර ඩයස්පෝරා කණ්ඩායමක් අද බ්‍රිතාන්‍ය වේලාවෙන් පෙරවරු නවයට පමණ ලන්ඩන් නුවර දී විරෝධතාවක් ද ආරම්භ කළේය.

සමුළුව උණුසුම්

නයිජීරියාව වැනි ඇතැම් රටවල් දූෂණ වලින් ගහන බවට ඊයේ බ්‍රිතාන්‍ය අගමැතිවරයා ප්‍රකාශ කිරීමත් සමඟ මෙම දූෂණ විරෝධී සමුළුව තවත් උණුසුම් වී තිබේ.

බ්‍රිතාන්‍ය අගමැතිවරයා විසින් කරන ලද ප්‍රකාශයකට ප්‍රතිචාරය පළ කරන නයිජීරියානු ජනාධිපති මුහම්මදු බුහාරි, එම ප්‍රකාශය සම්බන්ධයෙන් කිසිවකුගේ සමාව ඉල්ලීමක් නොව තමා වෙනත් දෙයක් අපේක්ෂා කරන බව කියා සිටියි.

තමාට අවශ්‍ය කරන්නේ සමාව ඉල්ලීමක් නොව සොරකම් කරන ලදුව බ්‍රිතාන්‍ය බැංකුවල තැන්පත් කරනු ලැබ ඇති දූෂිත වත්කම් ආපසු සිය රටට භාර දීම වන බවයි ජනාධිපති මුහම්මදු බුහාරි කියා සිටින්නේ.

නයිජීරියාවේ මහා පරිමාණයේ දූෂණ සම්බන්ධයෙන් බ්‍රිතාන්‍ය අගමැති ඩේවිඩ් කැමරන් ප්‍රකාශයක් කර තිබුණේ එලිසබත් රැජින හමු වූ අවස්ථාවකයි.

කැන්ටබරියේ අගරදගුරු හිමියන් සහ බ්‍රිතාන්‍ය පාර්ලිමේන්තුවේ කථානායකවරයාත් සහභාගී වූ එම හමුවේ දී අගමැති කැමරන් කළ ප්‍රකාශය වීඩියෝ ගත කරනු ලැබ ප්‍රචාරය වීමෙන් අනතුරුවයි නයිජීරියානු ජනාධිපතිවරයා ඔහුගේ ප්‍රතිචාරය පළ කළේ.

උපුටා ගැනීම - බීබීසි සංදේශය
-
මෙලනි



2016-05-12
Advertisement

Find us on Facebook