English      |      සිංහල      |      Articles      |      Interviews      |      Features      |      Foreign      |      Videos      |      Contact Us
ජනාධිපතිවරණයේ දී පූර්ව මැතිවරණ වංචා සිදු වුණා - රත්නජීවන් හූල්
(2019-12-02)

<< Go Back
Share |   


පසුගිය නොවැම්බර් 16 වෙනි දින පැවති ජනාධිපතිවරණයේ ඡන්ද විමසීමට පෙරාතුව බරපතල මැතිවරණ වංචා සිදු වූ බව සහ මුස්ලිම් ජනතාවට එරෙහිව එල්ල වූ තර්ජන හේතුවෙන් ඔවුන් බොහෝ දෙනා සිය ඡන්දය භාවිත කිරීමෙන් වැලකී සිටි බව ශ්‍රී ලංකා මැතිවරණ කොමිෂන් සභාවේ සාමාජික මහාචාර්ය රත්නජීවන් හූල් පවසයි.

එමෙන්ම එවක ජනාධිපතිවරණ අපේක්ෂක ගෝඨාභය රාජපක්ෂ ගේ ද්විත්ව පුරවැසිභාවය සම්බන්ධයෙන් නිසි පරිදි විමසා නොබැලූ බවට ද ඔහු මැතිවරණ කොමිසමට චෝදනා කරයි.

ඔහු පවසන්නේ ද්විත්ව පුරවැසිභාවය පිළිබඳ විමසා බලනු වෙනුවට "එකම ප්‍රශ්නය" තමන් යයි ගෝඨාභය රාජපක්ෂ පාර්ශවයට දැනුම් දී කොමිසමේ සභාපති මහින්ද දේශප්‍රිය සිය ජීවිතය අනතුරේ හෙලූ බවය.

මෙම චෝදනා පිළිබඳව බීබීසී සිංහල සේවය කළ විමසීමකදී පිළිතුරු දුන් මැතිවරණ කොමිසමේ සභාපති මහින්ද දේශප්‍රිය කියා සිටියේ, ඒ අවස්ථාවේ තමන් කොළඹින් බැහැරව සිටින බැවින් අදාළ චෝදනා පිළිබඳව කොමිසමේ සාමාජික, ජනාධිපති නීතිඥ එන් ජේ අබේසේකර ගෙන් ද විමසා බැලූ බවය.

එම චෝදනාවලට පිළිතුරු නොදිය යුතුය යන්න කොමිසමේ සාමාජික, නීතිඥ අබේසේකර ගේ ද අදහස වූ බව සඳහන් කළ සභාපතිවරයා, මහාචාර්ය හූල් යනු කවරෙකු දැයි "ශ්‍රී ලංකාවේ හැම දෙනාම දන්නා" බවත් පැවසීය.

වැඩිදුරටත් අදහස් දැක්වූ සභාපතිවරයා සඳහන් කළේ, මහාචාර්යවරයා මතුකරන චෝදනාවල සත්‍යාසත්‍යභාවය ඉතිහාසය විසින් තීරණය කෙරෙනු ඇති බවය.

උපුටා ගැනීම - බීබීසී සිංහල







Share |   


Advertisments
Facebook
© www.aithiya.lk

අප වෙබ් අඩවියේ පළකරනු ලබන යම්කිසි දෙයකින් කිසිවෙකුට යම් අගතියක් සිදුවන බවට පැමිණිලි ලැබේ නම්. තම අනන්‍යතාවය පළකරමින් එම තැනැත්තා විසින් ඉදිරිපත් කරනු ලබන පිළිතුරු අප වෙබ් අඩවියේ පළකිරීමට බැදී සිටී.