English      |      සිංහල      |      Articles      |      Interviews      |      Videos      |      Contact Us
‘සුළු ජාතීන්ට මුහුණ පෑමට සිදුව තිබෙන තත්ත්වය ගැන මෝදි සමඟ සාකච්ඡා කරනවා‘-එම්.ඒ.සුමන්තිරන්
(2019-06-08)

<< Go Back
Share |   



‘සුළු ජාතීන්ට මුහුණ පෑමට සිදුව තිබෙන තත්ත්වය ගැන මෝදි සමඟ සාකච්ඡා කරනවා‘-එම්.ඒ.සුමන්තිරන්
 
ශ්‍රී ලංකාවේ සුළු ජාතීන්ට මුහුණ දීමට ඇති තත්වය සහ ජාතික ගැටලුවට දේශපාලන විසදුම්  ගෙන ඒම ඇතුළු කාලීන තත්වය සම්බන්ධයෙන් ඉන්දීය අග්‍රාමාත්‍ය නරේන්ද්‍ර මෝදි මහතා හමුවී සාකච්ඡා කරන බව දෙමළ ජාතික සන්ධානයේ මාධ්‍ය ප්‍රකාශක පාර්ලිමේන්තු මන්ත්‍රී එම්.ඒ.සුමන්තිරන් මහතා සදහන් කරයි.
 
ඉන්දීය මහ මැතිවරණයෙන් දෙවන වරටත් අග්‍රාමාත්‍යධූරයට පත් නරේන්ද්‍ර මෝදි මහතා ඉරිදා (9) ශ්‍රී ලංකාවේ සංචාරයක නිරතවීමට නියමිත අතර මෙදින පස්වරුවේ ඉන්දීය තානාපති කාර්යාලයදී දෙමළ ජාතික සන්ධාන පිරිවරද හමුවීමටද නියමිතය.
 
එම හමුව සහ සාකච්ඡා කරනු ලබන කරුණු කාරණා පිළිබද අදහස් පළ කරමින් සුමන්තිරන් මහතා මේ බව සදහන් කළේය.
 
ඉන්දීය අග්‍රාමාත්‍යවරයා සමගින් පාස්කු ඉරිදා ත්‍රස්ත ප්‍රහාරය, දෙමළ හා මුස්ලිම් ජනතාවට මුහුණපෑමට සිදුව ඇති ගැටළු, ජාතික අර්බුදයට දේශපාලන විසදුම් ගෙන ඒම, දෙමළ දේශපාලන සිරකරුවන් නිදහස් කරගැනීම, උතුරු නැගෙනහිර ජනතාවගේ ඉඩම් නිදහස් කිරීම් හා නැවත පදිංචිකිරීම්, ජිනීවා මානව හිමිකම් කවුන්සිලයේදී ශ්‍රී රීලංකාව සම්බන්ධයෙන් සම්මත කරගත් යෝජනාව ක්‍රියාත්මක කිරීම ඇතුළු කාරණා පිළිබද සාකච්ඡා කරන බවද සුමන්තිරන් මහතා කීය.

Share |   


Advertisments
Facebook
© www.aithiya.lk

අප වෙබ් අඩවියේ පළකරනු ලබන යම්කිසි දෙයකින් කිසිවෙකුට යම් අගතියක් සිදුවන බවට පැමිණිලි ලැබේ නම්. තම අනන්‍යතාවය පළකරමින් එම තැනැත්තා විසින් ඉදිරිපත් කරනු ලබන පිළිතුරු අප වෙබ් අඩවියේ පළකිරීමට බැදී සිටී.